Segara Rupek

SEGARA RUPEK

            Kacerita kocap, wenten pandita sane mapasengan Mpu Sidhimantra saking Jawi Wetan masawitra ring lelipi ageng sane mawasta Naga Basuki. Ula ageng punika magenah ring gua ageng ring Besakih, ring bongkol Gunung Agunge. Mpu Sidhimantra punika masemaya pacang maktayang Sang Naga Basuki ajeng-ajengan marupa madu, susu, miwah mentega.

            Ri sedek dina anu, Ida mpu Sidhimantra keni panyungkan, raris kanikayang putra Idane  makta ajeng-ajengan punika. Putra sane kanikayang mapesengan Ida Manik Angkeran. Ida Manik Angkeran ngambil genta ajinidane saking nyilib, tur genta punika kabakta ka Besakih. Ring Besakih, ida raris nyuarayang gentane mawastu Sang Naga Basuki medal saking goane. Ida Manik Angkeran raris nguningayang sapangrauhidane pacang ngaturan ajeng-ajengan punika. Ri sampun bebaktane punika katerima, irika raris Sang Naga Basuki nakenin Ida Manik Angkeran, napi sane pacang kapikayunin anggen bekel ke jawi. Ida Manik Angkeran nenten makayunan napi-napi, tur ngaturin Sang Naga Basuki gelis-gelis ngranjing ring guane.

            Daweg Sang Naga Basuki ngranjing  ring guane, raris kapangih bongkol ikuh danene madaging soca. I rika raris ikuh danene kagetep tur soca punika kaplaibang santukan meled pisan pacang kaangen kamulan maklecan. Sang Naga Basuki raris nguber tur nyelepin  lad paenjekan Ida Manik Angkeran sane ngranayang Ida Manik Angkeran seda raris alas cemarane, tur alas punika ngentos mangkin kawastanin alas Cemara Geseng.

            Mpu Sidhimantra sue ngentos putrane nenten rauh saking Besakih raris kapanggih gentaidane ical. I rika Ida raris mapakayun ring angen, janten sampun putrane nemu sengkala. Raris gelis Ida lunga ka Besakih matemu sareng Naga Basukitur nakenan indike punika. Sang Naga Basuki raris nyeritayang paripolah putraidane ring Alas Cemara Geseng. I rika raris Mpu Sidhimantra nunas ampura mangda putrane prasida mawali nyeneng. Yan sampun nyenengpacang kaserahang ring Sang Naga Basuki, ngaula irika. Punika mawinan Ida Manik Angkeran nyeneng malih tur manggeh magenah ring Bali dados mangku ring Besakih turun-temurun kantos mangkin.

            Mangda Ida Manik Angkeran nenten mawali ka Jawi, raris Mpu Sidhimantra ngoresang dandanidane ring genah sane supek sadaweg ida mawali malih ka Jawi. Genah punika raris dados segara sane mawasta Segara Rupek. Punika mawinan Baline mabelasan ring gumi Jawine.